Te Matatini ki te Ao

Nā Te Taura Whiri i te Reo Māori
Pēpuere 2019

A kāti, i tēnei tau (2019) tū ai Te Matatini ki Te Ao ki Te Whanganui-a-Tara. I tae atu te tini me te mano ki Pōneke ki te whakatinana i te whakatauāki nā Te Wharehuia e mea ana “Mā tini, mā mano, ka rangatira a Kapa Haka.” Ko tētahi o ngā whāinga ki tēnei whetiwara ko Te Reo Māori.

He hiahia nō te poari matua o Te Matatini ki te whakatairanga i te reo kia rangiwhāwhā kia pehapeha i te korokoro. Nā, i reo rua ngā taka kai ki ngā toa hokohoko ki Te Matatini ki Te Ao hei tohu whakatairanga i Te Reo Māori.

I whakaputa a Te Matatini i tētahi waiata Māori ka tapaina ko Te Matatini ki Te Ao. Ko tōna koronga matua ko te whakapāohotia whānuitia te reo ki te taringa pūhou. Ko ‘AHEIHA!’ anō hoki tētahi kaupapa nā Te Matatini i puta ki Te Matatini ki Te Ao.

Ko te pae tawhiti a Te Matatini kia reo Māori ngā kaimahi o te whetiwara ki Tāmaki Makaurau. Kia rangona whānui Te Reo Māori ki ngā tōpito katoa o te kaupapa. Kia reo Māori ngā kaikāmera e hopu ana i ngā Kapa ki te takapau wharanui a Tānerore, a Hine Rēhia, kia reo Māori ngā kaimanaaki o te kaupapa, kia reo Māori ngā hāpai ō ki muri, kia reo Māori Te Matatini.

He Muka

Te reo Māori publication

*He Muka is a fluent reo Māori publication so no translations are available for this content

Atikara Tawhito – Ngā Kura Māori

I unuhia tēnei atikara i te nūpepa o te Waka Māori i te marama o Paengawhāwhā, 1874. Kua mau i te atikara tawhito nei, te waiaro me te tirohanga o te nuinga o te Māori i aua wā ki tōna anō reo. Kāore he oranga, kāore hoki he hua o te ū tonu ki te reo Māori. 

Hepetema 2022
Wahine Toa

Ko te tinana te waka kawe i te wairua, i te hinengaro, i te whatumanawa anō hoki o te tangata. Ko te tinana te whakaahuru o ōku kare ā-roto, he whare āhuru taku tinana hei manaaki māku, ā, hei tōna wā ka noho ko taku tinana te āhuru mōwai ki aku uri, ki te taurahere whakapapa ...

Hepetema 2022
He Hokinga Mahara - Ngā Mahi Waihanga Kupu Hou o Mua

I tēnei wā kei te haruru te whare o Te Taura Whiri i te Reo Māori i a mātou e whakarite ana mō Te Wiki o te Reo Māori me te huringa tau 50 o te whakatakotoranga o te petihana mō te Reo Māori. He nui ngā kaupapa whakanui kei te whakahaerehia nō reira kia areare taringa mai koutou.

Hepetema 2022
Ko tō auahatanga te taumata

Matatū ana te māhurihuri kei runga i te maunga tāpuapua a Hikurangi, e hakarae ana ki Ōmauri ki ngā nīoreore e rere kau ana i ngā wai māori ki Pipiwai. Ka whaongia ngā kete kai a Te Orewai e te Punakauariki, hei oranga tinana, hei oranga wairua!

Hepetema 2022
Kupu hou - Ngā wāhanga o te tinana

He kupu hou e aro hāngai ana ngā wāhanga o te tinana kāore i te tino kōrerotia.  

Āperira 2022
He Tuhinga Tawhito – Te Waka Māori, 7 o Nōema, 1867

He kupu atu tenei ki nga tamariki maori me ka haere mai ki te taone nei. E kite tonu ana matou i etahi o ratou e rere hianga ana i runga hoiho i nga rori o te taone nei.

Āperira 2022
Tākarohia Te Reo Whutupōro

He tauira o te reo ka rongohia i te wā o te Ipu Whutupōro o te Ao.

Āperira 2022
Te Ao Matihiko: He mōreareatanga, he āheinga nui rānei ki ā tātou tikanga?

Ehara i te mea nō nanahi tonu ake nei te ao matihiko me tāna whakaaweawetia ki ā tātau tikanga manohi anō.

Āperira 2022
Hokia ki ō maunga, ki ō kāinga maha

I te marama o Pēpuere rua mano rua tekau mā rua, tāwharautia ai ngā uri whakaheke o Wainuiomata marae i tōna papa.

Āperira 2022
Read more He Muka